Izena: Aldiri 6. zk.

Egilea: Askoren artean

Argitaletxea: UEU

Azalpena:

Gaur egun, birgaitzeak, eraikinetan ez ezik, baditu beste aplikazio batzuk ere. Gure lurralde zartatuko hainbat puntutan, ez aurrera ez atzera dabiltzan ingurunea berreskuratzeko hainbat proiektu esaterako. EAEko lurzoruaren % 9 hiritartua edo azpiegiturez estalia dago, Europako batez bestekoaren bikoitza. Zorua birziklatzera behartuta gaude hortaz. Gure inguruneari eragindako txikizioari buelta eman beharko diogu, ingurumen jasangarriagoa izateko. Honi loturik, nekazaritza-guneak berreskuratzeko politikak martxan jarri beharko dira, petrolioa eta beste energia-iturriak agortu orduko, elikagai osasuntsuak gertu izateko beharra izango dugu eta. Ingurumeneko lehengaiak eta baliabideak mugatuak diren neurrian, gure inguruko espazioak eta eremuak berrerabiltzea eta berregokitzea bultzatu beharko litzateke. Hori egin ezean, lehengaien eta lurraldearen kontsumo gehiegizkoaren kalteak ordainduko ditugu. Zaharra berritzeko orduan, beraz, dimentsio hauek guztiak kontuan hartu beharko genituzke.

ISBN: 1889-7185

Prezioa: <10 €

Adina: Helduak

Urtea: 2011